(ဘဝသမားေလးမွ အားလံုးကိုေလးစားလွ်က္)
ငါ့ကို ဘိုးဘွားရိပ်သာပို့ပေး
ငါ့ကို ဒီအကြည့်နဲ့ မကြည့်နဲ့
မင်းတို့ကို ငါပျိုးထောင်ခဲ့ချိန်က
ငါ ဘာမျှော်လင့်ချက်မှမရှိဘူး
မေတ္တာစစ်စစ်နဲ့ ပြုစုခဲ့တာ
ငါ့ဘဝ ဇရာထောင်းမှ
မခန့်လေးစား အကြည့်မျိုးနဲ့
လုံးဝမကြည့်နဲ့ကွ
ဘာတဲ့ နားငြီးတယ် ဟုတ်လား
ဟားဟားဟား ရယ်ရတယ်ကွာ
ဒီလို နားငြီးအောင် ဆုံးမခဲ့လို့
မင်းလူတောတိုးနေတာ
ငါသာ မဆုံးမခဲ့ရင်
မင်း လမ်းဘေးက ခွေးဖြစ်နေပြီ
ဘာအမွေမှ ပေးနိုင်လို့
ငြိုငြင်နေတာလား
မင်းတို့ကို ပျိုးထောင်ခဲ့ချိန်က
ငါဘာမှ မမျှော်လင့်ခဲ့ဘူးကွ
ငါ ခါးတွေကုန်း သွားတွေကကျိုး
မျက်လုံးတွေ ဝေဝါးလာတော့
ကြောင်အိုတစ်ကောင်လို
မထိလေးစားဆက်ဆံတာ
ငါ ရင်နာတယ်ကွ ဖြစ်နိုင်ရင်
ငါ့ကို ဘိုးဘွားရိပ်သာကို ပို့ပေးပါ
မင်းမေ့နေမှာဆိုးလို့
သတိလေး တစ်ခုပေးခဲ့မယ်
နောက်ဆုံးအနေနဲ့ပေါ့ကွာ
တစ်ချိန် မင်းလဲအဖေဖြစ်လာမှာ
ဒီလောက်ပဲ ငါ့သားရာ
ငါ့ကို နွေးထွေးစွာဆီးကြိုမယ့်
ဘိုးဘွားရိပ်သာ အမြန်ပို့ပေးကွာ
