(ဘဝသမားေလးမွ အားလံုးကိုေလးစားလွ်က္)
ညီမလေးထဲသို့ စာချွန်လွှာ
တကယ်ဘာမှမတော်စပ်ပါပဲ
အရောင်အဆင်းကင်းမဲ့တဲ့
သံယောဇဉ်တရားမှာ
ကြည်လင်အေးမြလှတဲ့
အဖြူရောင်တေးသံတွေ
ရင်ခွင်အနှံ့ ပျံ့လွင့်နေတယ်
အဖြူရောင်သံယောဇဉ်တွေ
အထပ်ထပ်ရစ်နွယ်ပြီး
နားလည်မှုယူစရာမလိုအောင်
အသွေးအသားတွေ
ထပ်တူကျစီးဆင်းနေတာ
အတိတ်ရဲ့ မောင်ရင်းနှမတွေအလား
စကားတွေကိုဖောင်ဖွဲ့
ဘဝအမောတွေကို
အလှည့်ကျ အားပေးရင်း
ရင်းနှီးလာခဲ့တာ
သွေးမတော်ကြပေမယ့်
ခင်ရာဆွေမျိုးထက်ပို
မမြင်ရတဲ့ အတိတ်တကွေ့က
ဆုတောင်းလေလား
ဝေတော့မဝေကွဲပါဘူး
စကားလုံးကိုတန်ဆာဆင်
မုသားပေါတဲ့လောကမှာ
အဖြူရောင်ပြုံး အလင်းတစ်စက
ယနေ့ခေတ်ကြီးမှာ
ရှားပါးကုန်လို နေဝင်ချိန်မှာ
ချစ်ညီမလေးရေ မင်းကတော့
ဘုရားပေးတဲ့ဆုပါပဲကွယ်
