(ဘဝသမားေလးမွ အားလံုးကိုေလးစားလွ်က္)
အဝေးကလွမ်းတေး
အလွမ်းတွေသီတဲ့နေ့
အလွမ်းတွေဝေတဲ့ည
နေ့ညနာရီတွေတိုင်း
ရင်ဘက်ထဲမှာတော့
သံယောဇဉ်တိုးလို့
အလွမ်းတွေက နေရာတိုင်းမှာ
မညှာမတာ ထိုးနှက်နေတာ
သိပါစေတော့ ချစ်ရသူ
ခက်တော့ခက်ပါပြီ
အသည်းဖူးမှာ သူမှသူလို့
စွဲမက်မိတာ သူရူးလိုလို
သူရောကိုယ့်လိုများလား
အတွေးစိတ်နဲ့ ရူးရပြီ
အော် ချစ်ရသူရယ်
နေဝေးလ်ို့သွေးမအေးပါနဲ့
ကြားလေသွေးမှာဆိုးလို့
တင်းကြပ်စွာဖက်တွယ်ခဲ့ဖူးတာ
အိမ်မက်ဟောင်းတစ်ခုက
ပြဇာတ်တစ်ပုဒ်မဟုတ်ခဲ့တာ
ချစ်သူ မင်းသိပါတယ်
ချစ်သူရေ ခဏတာအဝေးမှာ
စိမ်းသက်ခြင်းတွေ မမွေးဖွားနဲ့
ရင်နင့်အောင်ချစ်ရသူတိုင်း
ချစ်လမ်းခရီးက ဖြောင့်ဖြူးတာ
လောကမှတ်ကျောက်မို့
ဝေးနေလည်းပဲ တိုးလို့ချစ်ထား
တိုးလို့ချစ်တော့ ချစ်ရသူ
အကြည့်ခြင်းဆုံတိုင်း
ရင်တွေခုန်ဖို့
တွဲလက်တွေကို မြဲစေနော်
အနေဝေးလဲလွမ်းတေးသီထား
လက်ရှိနေညတွေက
နီးရဖို့ ကြားခံနယ်မြေပဲလေ
အညှာလွယ်တဲ့ မင်းမျက်ဝန်းက
လွမ်းပုလဲတွေ ဝေမှာသိလည်း
တစ်ဘဝအရေး ခဏအဝေးမို့
ချစ်သူရေ.......လာလမ်းကိုပဲ
တွင်တွင်သာငေးနေပေးပေါ့
ဝေးနေရတာ နီးရဖို့ပဲလေ....
