(ဘဝသမားေလးမွ အားလံုးကိုေလးစားလွ်က္)
ဒါဘဝတဲ့လားကွယ်
မျှော်လင့်ချက်အသက်ရှုသံနဲ့
ရေလောင်းပေါင်းသတ်
ပြုစုခဲ့တဲ့ဘဝအဘိဓာန်မှာ
ပြည့်စုံခြင်းဆိုတာ
အိမ်မက်သာသာလောက်ပါပဲ
ကံတရားက ခွဲတန်းချခဲ့တယ်
အိမ်မက်တွေကို
အနှစ်နှစ်အလလ
တည်ဆောက်ခဲ့တာ
လောကဓံလှိုင်းပုတ်လို့
အရာရာပြိုလဲကုန်ချိန်
အဲ့ဒီအချိန် ရင်ခွင်တစ်ပြင်လုံး
မီးဟုန်းဟုန်းတောက်ခဲ့တယ်
ကံရှေ့မှောက်လျှက်လဲကျလို့
ကောက်ထဖို့ပြင်ဆင်တုန်း
အရှေ့အနောက် ၇အိမ်မကသော
လက်ညှိုးတွေဝိုင်းထိုးလို့
ချိုင့်ဝင်သွားတဲ့ နှလုံးသားမှာ
မာနတွေကိုထိုးသိပ်ပြီး
ထူထဲစွာဖာထေးမိရုံကလွဲပြီး
ဘာများအထူးတလည်
တက်နိုင်အုံးမှာတဲ့လည်း
နကိုဘဝအစကိုက
ကိုယ်ထူကိုယ်ထပဲလေ
ဆုံးသာဆုံးပါ မရှုံးပါစေနဲ့လို့
သူရဲကောင်းလို နှလုံးမူလည်း
လျှောက်လှမ်းနေကျလမ်းက
ညှာတာစွာပြုံးပြနေတာ
လှောင်ပြောင်ရိပ်တွေက
အထင်သားပါနေတယ်
လဲကျလိုက် ပြန်ထလိုက်
ဖုန်ခါလိုက် ဒဏ်ရာကြည့်လိုက်နဲ့
ရှေ့ကိုခပ်သော့သော့နှင်တောင်
မနက်ဖြန်ရဲ့ပန်းတိုင်တစ်ခုက
အလှမ်းဝေးနေသေးတာ
ရင်နာတယ် ကံတရားရယ်
