(ဘဝသမားေလးမွ အားလံုးကိုေလးစားလွ်က္)
ဘဝတိုက်ပွဲ
ဘဝဆိုတာ ချိုတဲ့အခါချိုသလို
ခါးတဲ့အခါလည်း ခါးမှာပေါ့
မှတ်ကျောက်ဆ်ိုတာကလည်း
လောကဓံလှိုင်းတွေနဲ့
အကွေ့အကောက်တွေကြား
ပုန်းလျှိုးဝှက်လျှိုးစွာပဲ
ဘဝသင်ခန်းစာကို
စာစစ်သလို အငိုက်ဖမ်းတာ
ခံရဖန်များလာတော့
အရေတောင်ထူနေရောပေါ့ ..
အနာဖက်ကများတယ်လို့
ကံကို စျေးမဆစ်တော့ပါဘူး
မျက်ရည်ကျရမယ့်ဇာတ်လမ်းမှာ
ရှိုက်ငင်ဖို့ အဆင်သင့်ဖြစ်သလို
ပျော်ရွှင်ရမယ့် အခန်းမှာလည်း
ဟားတိုက်ရယ်ဖို့ အသင့်ပဲ
ထူးပြီးတော့ သွေးမပျက်ပါဘူး
နေ့စွဲတွေပြ်ိုကျနေတာ
စာမှာသင်ခဲ့ရသလိုမျိုး
အကြောက်လွန်တဲ့ယုန်သူငယ်လို
တုန်ခါနေလို့ ပြီးမှမပြီးတာ ...
ဒဏ်ရာတွေများလည်း
ထတိုက်ရမှာက ဘဝတိုက်ပွဲပဲလေ
ရှောင်မလွတ်မှတော့
လက်ကျန်ခွန်အားနည်းလည်း
လက်ရှိနေ့စွဲ စစ်တစ်ပွဲကို
ကဲ..နွဲလိုက်အုံးတော့ အမောင်...ဘဝသမားရယ်...။
