(ဘဝသမားေလးမွ အားလံုးကိုေလးစားလွ်က္)
အာဂလူသား
ဟေ့...ဒီမှာကံတရား
မင်း...ငါ့အသွေးကို စုပ်ယူလိုက်ရုံမျှနဲ့
သို့တည်းမဟုတ်...
မင်း...ငါ့အသားကို လှီးယူလိုက်ရုံမျှနဲ့
သို့တည်းမဟုတ်
မင်း...ငါ့နှလုံးသားကို ထုတ်ယူလိုက်ရုံမျှနဲ့
သို့တည်းမဟုတ်
မင်း...ငါ့ဦးဏှောက်ကို ဖောက်ထုတ်လိုက်ရုံမျှနဲ့
သို့တည်းမဟုတ်
မင်း...ငါ့စလွယ်ဝင်အိုးကို ရိုက်ခွဲလိုက်ရုံမျှနဲ့
သို့တည်းမဟုတ်
မင်း...ငါ့တက်လမ်းကို ခြေမွလိုက်ရုံမျှနဲ
သို့တည်းမဟုတ်
မင်း...ငါ့ခြေထောက်ကို ချုပ်နှောင်လိုက်ရုံမျှနဲ့
သို့တည်းမဟုတ်
မင်း...ငါ့လက်တွေကို ရိုက်ချိုးလိုက်ရုံမျှနဲ့
သို့တည်းမဟုတ်
မင်း...ငါ့မျက်လုံးကို ဖောက်ထုတ်လိုက်ရုံမျှနဲ့
သို့တည်းမဟုတ်
မင်း...ငါ့ပါးစပ်ကို ဆွံ့အစေလိုက်ရုံမျှနဲ့
သို့တည်းမဟုတ်
မင်း...ငါ့နားတွေကို ပိတ်ဆို့လိုက်ရုံမျှနဲ့
သို့တည်းမဟုတ်
မင်း...ငါ့ဘဝနဲ့ဓနဥစ္စာတွေ လွင့်စင်စေရုံမျှနဲ့
ငါ့ရဲ့ ခိုင်မာနေတဲ့ ယုံကြည်ချက်တွေ
ပြောင်းပြန်လှန်လိုက်ရတော့မှာလား
ဟား တိုက် လို့ ရယ် မော ပြီး
လောကကို ခါးစောင်းတင်ပြလိုက်ချင်ရဲ့
ငါ့ ဟဲ့ အာ ဂ လူ သား.......။
