(ဘဝသမားေလးမွ အားလံုးကိုေလးစားလွ်က္)
ကျွန်တော်နှင့်ညီမလေး
Labels:
Pome
သေသေချာချာဖက်ထားပါညီမလေး
အရှေ့မှာ လမ်းတွေကြမ်းတယ်
ဆားပွင့်နေတဲ့ အကိုယ့်ပခုံးတွေ
တံတိုင်းကြီးလို မခိုင်မာပေမယ့်
ဒီလောကကို ကျင့်သားရနေပါပြီ
ယုံကြည်စွာဖက်တွယ်ထားပေါ့ကွယ်....
ခေါင်းကိုမော့ထားလိုက်ပါ
အရှေ့မှာ စောင့်ကြိုနေတဲ့
အထင်သေးတဲ့မျက်ဝန်းတွေအတွက်
အားပါးတရ ပြုံးလိုက်စမ်းပါ
ဒီအပြုံးတွေနဲ့ ခရီးဆက်ကြမယ်....
မငိုပါနဲ့ညီမလေး ငိုလိုက်ပါနဲ့
လှောင်ပြောင်နေတဲ့ ကဲ့ရဲ့သံတွေအတွက်
ဟော့ ဒီ ရင် ဘတ် ထဲ မှာ
မျက်ရည်တွေက ကုန်ခမ်းလုပါပြီ
အားတင်းထားပါ မနက်ဖြန်တိုင်းတော့
မခါးသက်လောက်ပါဘူး.......
မျက်ရည်မကျလိုက်ပါနဲ့
ဘဝဆိုတာ ချိုတဲ့အခါချိုသလ်ို
ခါးတဲ့အခါလည်း ခါးအုံးမှာပေါ့
လောကဓံမှတ်ကျောက်ဆိုတာ
တို့မောင်နှမအတွက်တော့
ဓါးသွားထက်က ပျားရည်စက်ဆိုရင်
နေပါစေ ဆားနဲ့ပဲစားကြတာပေါ့ကွာ
တောက်ပတဲ့မနက်ဖြန်ဆိုတာ
ငါ့တို့အတွက်တော့
တစ်ထောင့်တစ်ညပုံပြင်လိုဆိုရင်
မျှော်လင့်ချက်ရှိပါသေးတယ်ကွာ